ЗАКЛИНАНИЕ
ИЛИ
ЗАПРЕТИТЕЛЬНАЯ МОЛИТВА
СВЯЩЕННОМУЧЕНИКА КИПРИАНА
Данный текст относится к молебному последованию страждущих от нечистых духов, содержащегося в требнике Петра Могилы. Сколько бы не существовало на сегодняшний день вариантов заклинания Киприана, традиции оно известно только одно. ИЛИ
ЗАПРЕТИТЕЛЬНАЯ МОЛИТВА
СВЯЩЕННОМУЧЕНИКА КИПРИАНА
Прямое предназначение заклинания священномученика Киприана - изгнание из человека нечистых духов, то есть экзорцизм (лат. exorcism от греч. ἐξορκισμός "запрещение бесам"). Но заклинание можно применять и в комплексе с другими методами при отчитках различных порч.
Текст переписан мной из рукописного требника Петра Могилы, страницы которого я также приведу ниже. Заклинание достаточно произнести один раз над страждущим, расположившись перед иконами. Ладан при этом не кадите.
Призываем Тя, Владыко Боже, Вседержителю, Вышний, Неискусимый, Мирный Царю; призываем Тя, сотворшаго небо и землю. От Тебе бо произыде Альфа и Омега, сиесть: начаток и конец. Предавый человеком в послушание четвероножная и безсловесная животная, Ты бо покорил еси сия Господи, простри руку Твою крепкую и мышцу Твою высокую и святую, и присещением Твоим святым посети создание Твое сие, и ниспосли ему ангела мирна, ангела державна, души и тела хранителя, яко да запретит и отженет от него всякаго лукаваго и нечистаго демона, Ты бо еси Господь Един, Высокий Вседержитель, Благословенный во веки веков. Аминь. Заклинаю тя, душе враждебный, Вседержителем Богом. Заклинаю тя Духом, вдохнувшим человеком живот вечный, Его же имя страшно и усты человеческими неизглаголанно. Заклинаю тя грядущим огнем, жупелом и тартаром, и трубою, ему же явлшуся Солнце побежит на запад, и звезды спадут на землю, и восплачутся вся племена и людие. Заклинаю тя, сошедшим в долняя страны земли и расторгшим твердыя верии, и разрушившим болезни смертныя, и благовестившим патриархом из мертвых воскресение. Заклинаю тя ходившим по морю и укротившим волны его. Заклинаю тя повелети ходящим морю издати вся в нем истопившияся, и земли в ней лежащих мертвых представити живых на суд Богу. Заклинаю тя повелевшим морю непреступати предела своего, дондеже прийде Господь судити миру. Заклинаю тя сошедшим на синайскую гору и глаголавшим с Моисеем и Аароном, и явлшимся има в пламени огненном и столпе облачном. Заклинаю тя изведшим люди своя от земли египетския, и давшим им из камене сладкую воду пити, и претворившим воду в кровь. Заклинаю тя казнившим египта Моисеем десятию язв. Заклинаю тя поразившим первенцы египетския. Заклинаю тя попалившим содома и гомора и пять градов иных одождением с небесе огненнаго града. Заклинаю тя седящим на престоле славы, пред ним же огонь течет и ему же предстоят тмами тем ангелы и тысяща тысящами архангел, и серафимы вопиющие: Свят, Свят, Свят Господь Саваоф, исполнь небо и земля славы Твоея, благословен еси во веки. Аминь. И ты, душе лукавый, аще и не хотя, воздаждь славу имени Его святому. Иде же аще седиши во удеси тела создания сего: или в главе, или в темени, или в брових, или в очию, или в ушах, или в устех, или в языце, или в выи, или в плещу, или между плещами, или в мыщцах, или в персех, или в души, или в сердце, или в селезене, или в плюцах, или во чреве, или под чревом, или в точиле, или в естественнех пределех, или в крепости, или в жилах, или в коленях, или в лыстах, или в голени, или в руку, или в ногу, или в кровавице, или в костех, или в мозгу, или в крове, или во власех, или в ногтех, или во всем теле, отлучися, устранися и изыди душе лукавый, и даждь славу Богу, яко Господь сильный над всеми есть. Ибо клястеся: иде же аще кто призовет имя господне, еже ичезнути вам. Заклинаю тя именем господа иисуса христа, распеншагося при понтийстем пилате. Заклинаю тя рекшим: небо мне престол есть, земля же подножие ногама моима. Заклинаю тя архангелами его: Михаилом и Гавриилом, Уриилом и Рафаилом. Заклинаю тя великим именем Божиим, отлучися от создания сего, и ниже с ним ясти, ниже сложну быти с ним, но дати славу и службу имени святому его. Заклинаю тя всеобразное на злосретение и нападение дневное и полунощное, и даже аще еси, отлучися от создания сего. И не изведи душу, ни разсипли, ни разруши тело его, но остави его чиста и жива богу на службу. Заклинаю тя грядущим утвердити престол между небом и землею, и судити всему роду человеческому, праведным же и грешным. Ты убо душе нечистый, убойся имене святаго его и отиди от создания сего, убойся огня неугасаемаго, убойся родства огненнаго всепоядающаго, убойся уготовавшаго тебе огонь, и жупел, и ад губителеви, убойся явлшагося Моисею и Аарону на горе синайстей, убойся явлшагося Иоану на реце иорданстей, его же видевши река убояся, и отступи, и возвратися вспять. И ты, душе лукавый, убойся, отступи и устранися от создания сего. Заклинаю тя одеющимся светом яко ризою, единем, имеющим безсмертие. Тому бо подобает всякая слава, честь и поклонение Отцу, и Сыну, и Святому Духу, ныне и присно и во веки веков. Аминь.
